Qınalǵan janǵa qaıyrymdylyq tanytyp júrgen atyraýlyq kásipkerdiń qatarynda Ádil Jubanov ta bar. Ol jaqynda Almaty qalasyndaǵy ortalyq klınıkalyq aýrýhanaǵa jedel járdem kóligin syıǵa tartty.
Bıylǵy qańtardaǵy beıbit sherýdiń sońy jan kúızelter oqıǵaǵa ulasty. Kásipkerlik nysandary, polısııa men jedel járdemniń kólikteri búlindi. Shaǵyn jáne orta bıznes salasy qyrýar shyǵynǵa ushyrady. Osyǵan oraı Prezıdenttiń «Kúshimiz – birlikte!» degen úndeýine qoldaý bildirýdi jón kórdim. Sol sebepten, otbasymnyń atynan Almatydaǵy aýrýhanaǵa jedel járdem kóligin syılaýǵa uıǵarym jasadym, – deıdi Ádil Jubanov.
Onyń aıtýynsha, jedel járdem kóligi gemodıalızden ambýlatorlyq em alatyn pasıentterdi tasymaldaý úshin qolaıly bolmaq.
Atyraý oblysy