Qaraǵandy farmasevtıkalyq kesheni «SQ-Farmasııa» habtaryna koronavırýsqa qarsy bir komponentti «Spýtnık Laıt» preparatynyń 150 myń dozasyn jiberdi. Preparat Reseı Federasııasynan jetkizildi jáne revaksınaǵa arnalǵan, dep habarlaıdy Egemen.kz.
«Spýtnık Laıt» Qaraǵandy farmasevtıkalyq kesheniniń -35 gradýs ustaıtyn tońazytqyshtarynan biryńǵaı dıstrıbıýtordyń logıstıkalyq toraptaryna jóneltildi. Tasymaldaý arnaıy tońazytqyshtarda júzege asyryldy, onda sýyq tizbekti qatań saqtaý úshin jabdyq ornatylǵan. Preparat qoımalarǵa jetkizildi, ol elimizdiń barlyq aımaqtaryna taratylady.
«Bul partııa Qaraǵandy farmasevtıkalyq kesheni aksıonerleriniń sheshimimen koronavırýs ınfeksııasynyń taralýyn boldyrmaý úshin bólingen gýmanıtarlyq kómek bolyp tabylady», delingen Qaraǵandy farmasevtıkalyq kesheni málimetinde.