QR Premer-Mınıstriniń orynbasary Eraly Toǵjanov Pfizer vaksınasynyń qoljetimdiligi týraly pikir bildirdi, dep habarlaıdy Egemen.kz.
«Birinshiden, Pfizer qazir qoljetimdi. 4 mln dozadan astam Pfizer ekpesin satyp aldyq. Qazir vaksınanyń bul túri qoljetimdi adamdardyń naqty sanaty bar. Olar: 12 jáne odan joǵary jastaǵy jasóspirimder, júkti jáne bala emizetin áıelder. Ujymdyq ımmýnıtet qalyptastyrý qajettigin eskersek, 60-tan asqan adamdarǵa da múmkindik berdik. Bul el halqynyń 1 mıllıonnan astam adamy degen sóz. Sondyqtan Pfizer qoljetimdiligi naqty bar. Basqa da vaksına túrleri bar ekenin eshkim umytpaý kerek. Ekpeniń qoljetimdiligi týraly másele kún tártibinde turǵan joq. Budan basqa qosymsha 1 mln doza satyp alamyz», dedi ol ortalyq kommýnıkasııalar qyzmetinde ótken brıfıngide.
Sondaı-aq, ol atalmysh vaksınany aqyly segmentke shyǵarý múmkindigine toqtaldy.
«Aqyly Pfizer vaksınasy týraly másele ylǵı kóterilip júr. Birneshe ret jaýap berdik dep oılaımyn. Pfizer-di aqyly satpaý týraly sheshim qabyldanǵan. Sondyqtan Pfizer vaksınasy naqty sanattar úshin qazir qoljetimdi. 60-tan asqandarǵa bólemiz dedik qoı. Sonyń ornyn toltyrý úshin sáýir aıyna qaraı taǵy 1 mln dozasyn alǵyzamyz», dedi Eraly Toǵjanov.