Halyqtyń ekonomıkalyq problemalary áli sheshilgen joq. Eger ortalyq jáne atqarýshy organdar jaǵdaıdy túzep, bolashaqqa qadamdy qazirden bastamasa onda «Qańtar qasireti» alda taǵy qaıtalanady. Memleket qysqa merzimdi qoldaý sharalary men kúshtik qurylymdarǵa súıenip ahýaldy retke keltirgenniń ózinde alysqa bara almaımyz. Ondaı qysqa ýaqytta rettelgen dúnıe búkil problemany túbirine deıin sheshpeıdi.
Eldegi ekonomıkalyq túıtkilder men qylmys deńgeıiniń arasynda árqashan ózara baılanys bolady. Tabystyń tómendeýi qylmystyń kúrt ósýine sebep. Iаǵnı dál osy áleýmettik ál-aýqattyń deńgeıi táýekel etip qylmysqa barý kerek pe, álde joq pa degenge jaýap beredi. Onyń ústine bizdiń elde halyqtyń nesıe júktemesi shamadan tys artyp bara jatyr. Nesıe men tutyný shyǵyndarynyń ortasha jyldyq ósý qarqynyn salystyrar bolsaq, sońǵy bes jylda sońǵy tutyný jylyna ortasha alǵanda 11,34 paıyzǵa, al nesıe 12,9 paıyzǵa óskenin baıqaımyz. Iаǵnı jıyntyq shyǵynǵa qaraǵanda berilgen zaım kólemi jedel kóbeıýde. Demek, halyq tutyný sátindegi tapshylyqty nesıe alý arqyly tolyqtyryp jatyr degen sóz.
Elde bolǵan kúrdeli jaǵdaı resmı statıstıkaǵa qaramastan azamattar tabysynyń tym tómendep ketkenin, baı men kedeı arasyndaǵy alshaqtyqtyń uzara túskenin ańǵartady. О́kinishke qaraı, mundaı kemshilikti destrýktıvti jáne terrorlyq uıymdar óz múddesine paıdalanyp, túrli uran, ýáde, talappen ilip áketti. Almatydaǵy beıbit bastalǵan mıtıng sońynyń nelikten qan-qasap qyrǵynǵa aınalǵanynyń bir sebebi osynda jatyr.
2020 jyly Qazaqstan úkimeti halyqtyń nesıe tólemderin keıinge shegerip, jeńildetilgen nesıeleý uıymdastyryp, ekonomıkany qoldaý sharalaryn úzdiksiz júzege asyrdy. Meniń pikirimshe, osy nárseler bizdiń aramyzda memleket kómegine ábden arqa súıep alǵan kóńil kúıdi týdyrdy. Kórgenimizdeı osy joly da úkimet kelisimge baryp, gaz baǵasyn tómendetti, alaıda ózge óńirdegi sherýler legi tolastaǵan joq. El ishindegi qordalanǵan problemalardy birden sheship tastaý múmkin emes, onyń bári júıeli ózgeristi talap etedi. Áýeli bizge eldegi taýarlar men qyzmetter óndirisin arttyrý qajet. Sonda ǵana usynys suranysqa jaýap beredi jáne taýarlar men qyzmetter naryǵyndaǵy tepe-teń baǵa tómendeı bastaıdy.
Prezıdent Qazaqstan damý bankiniń de jumysyn synǵa aldy. Bul oraıda da Memleket basshysyn qoldaımyn. Jergilikti qamtýdy arttyrýǵa baǵyttalǵan qoldaý sharalary Qazaqstandaǵy kóptegen kásipker men kompanııalar qajettilikterin qanaǵattandyryp otyr. О́zge damýshy elder dál bizdegideı aqsha bólip, qoldaý quraldaryn uıymdastyrmaıdy. Alaıda menedjmenttiń álsizdiginen ınvestısııalyq jobalar aıaǵyna jetpeıdi, endi biri halyqaralyq naryqta básekelese almaıtyn ónim shyǵarýmen shekteledi. Sondyqtan qazir úkimet úshin eń basty mindet – memlekettik baǵdarlamalarǵa kóptiń qoly birdeı jetetindeı mehanızm qalyptastyrý. Sonymen qatar kómek alýshylar arasynda qarama-qarsy mindettemelerdiń oryndalýyn baqylaý kerek. Mysaly, ónim óndirýdi arttyrý jáne jańa jumys oryndaryn qurý degen sııaqty. Ondaı jaǵdaıda biz halyqtyń naqtyly tabysyn kóbeıtip, teńgeni nyǵaıtyp, nátıjesinde eldiń ál-aýqaty uzaq merzimde jaqsarady.
Al búkil qyzmettiń basty prınsıpi – Qazaqstan zańdary aldyndaǵy teńdik bolýy kerek. Biz sonda ǵana qýatty ári órkendegen, ózindik jeke óndiris kúshine ıe, syrtqy básekege túse alatyn jańa Qazaqstandy qura alamyz.
Dıas QUMARBEKOV,
sarapshy