Boxingnews24.com saıtynyń tilshisi, boks sarapshysy Shon Djons ekinshi orta salmaq dárejesindegi álemniń absolıýtti chempıony, meksıkalyq Saýl «Kanelo» Alvaresti synap tastady, dep habarlaıdy Egemen.kz sports.kz-ke silmete jasap.
«2018 jylǵy Gennadıı Golovkınge qarsy ótkizgen shaıqasynan keıin Alvares jankúıerlerdi aldaı bastady. Ol qazaqstandyq boksshymen sharshy alańda ekinshi ret kezdeskennen keıin ózine degen senimdilikti joǵaltty. Myqtylarmen shyǵýdan qashqaqtaı bastady. Genadan soń ol ekinshi orta salmaqqa kóterilip, qaǵaz júzindegi chempıondarmen kezdeskendi jón kórdi. Odan bólek Denıel Djeıkobs, Sergeı Kovalev sekildi kúshi sarqylǵan boksshylarǵa qarsy rıngke shyqty. О́ıtkeni Golovkın ony psıhologııalyq turǵyda «syndyryp» tastady», dep jazdy jýrnalıst óz oıymen bólisip.