Ádilet mınıstrligi Májilistiń qaraýyna elimizdegi partııalyq tizimderge áıelderdi, jastardy, sonymen qatar, múgedektigi bar adamdardy engizýdi kózdeıtin zań jobasyn usyndy, dep habarlaıdy Egemen.kz.
«Bul Memleket basshysynyń kvotalanatyn sanattardy keńeıtý jónindegi tapsyrmasyn iske asyrýǵa baılanysty, oǵan sáıkes «Saılaý týraly» Konstıtýsııalyq zańnan bólek «Saıası partııalar týraly» Zańǵa tıisti túzetýler engizý qajet. Zań jobasyn qaraý barysynda depýtattar Qaýipsizdik Keńesi men Qazaqstan halqy assambleıasy qyzmetiniń máseleleri boıynsha keıbir zańnamalyq aktilerge túzetýler engizýge bastama jasady», dedi Ádilet mınıstri Qanat Mýsın.
О́z kezeginde Májilis depýtaty Gennadıı Shıpovskıh búginde elimizde 700 myńǵa jýyq qazaqstandyqtyń múgedektigi bar ekenin eskerip, olardyń partııalyq jumysqa qanshalyqty daıyn ekenin surady.
«Árıne taldaý júrgizildi. Mınıstrlik erekshe qajettiligi bar adamdardyń múddelerin bildiretin uıymdardyń ókilderimen dıalog qurdy. Jalpy halyqty áleýmettik qorǵaý salasyndaǵy múddeli organdar múgedek jandardyń partııalyq jumysqa daıyn bolmaýy týraly kúmán bildirgen joq. Sondaı-aq múgedektigi bar adamdardyń Parlament Májilisi depýtattyǵyna kandıtatýrasyn qaraý týraly mınıstrlikke júginý faktileri bar. Erekshe qajettilikteri bar adamdardyń saıası zańnama jumystaryna, zań shyǵarý jumysyna daıyn dep sanaımyz», dedi Qanat Mýsın.
Zań jobasyn qabyldaýdyń maqsaty kvotalanatyn sanattardy oǵan múgedektigi bar adamdardy engize otyryp keńeıtý bolyp sanalady.
Májilis depýtattary atalǵan zań jobasyn biraýyzdan qabyldady.