Saryaǵash aýdany Derbisek eldi mekenindegi «Rahmanberdi» sharýa qojalyǵy búginde erekshe qus túrlerin ósirýmen aınalysýda. Osy kúnge deıin taýys óńir úshin tańsyq qus bolatyn. Álemdegi eń ǵajaıyp qustardyń biri, qyrǵaýyl tuqymdasyna jatatyn taýysty kópshilik tákapparlyq, sulýlyq belgisi retinde de qabyldaıdy.
Qustyń bul túrin kásipker Rahmanberdi О́serbaev alǵashqylardyń biri bolyp sharýa qojalyǵynda ósirýdi qolǵa alǵan. Sonymen qatar qyrǵaýyldyń 7 túri, taýyqtyń 5 túri, kepter, túıequs, azııalyq kekilik, qaz, úırektiń 2 túrin, kúrke, bódene baǵýmen de aınalysýda. Syrttan ákelingen qustar qolǵa úıretilgen. Kásipkerdiń aıtýyna qaraǵanda, kútimi erekshe taýys jylyna 6 ret qana jumyrtqalaıtyn kórinedi. Odan ózge, bul qus kóktem aılarynda ǵana erekshe bıleıdi. Alǵashynda 2 taýysty satyp alyp, jersindirgen kásipker ony kóbeıtip 40-qa jetkizgen. Sondaı-aq qusqa qyzyǵýshy azamattardyń suranysyna sáıkes 30 shaqty taýysty satyp, paıdasyn da kóripti. Aldaǵy ýaqytta jeke kásipker qus sharýashylyǵyn keńeıtýmen qatar, balyq sharýashylyǵyn damytýdy da josparlap otyr.