Aýrýshańdyq bir aıda 6 ese artty

Epıdemııalyq jaǵdaı­dy ba­ǵalaý matrısasy boıyn­sha Batys Qazaqstan oblysy 14 qańtardan bastap «qyzyl aımaqta». Jyl basynan beri oblysta COVID-19-ben aýyr­ǵan 2 315 adam anyqtaldy. Aýyr­ǵandardyń kóbi, ıaǵnı 1 509 jaǵ­daı Oral qalasynda bolǵan. Bórli aýdanynda – 253 jaǵdaı, Báıterek aýdanynda – 241, Terekti aýdanynda 59 jaǵdaı tirkeldi. Koronavırýs ınfeksııasy kóbine 41-60 jas aralyǵyndaǵy naýqastar arasynda baıqaldy. Alaıda aýyrǵan­dardyń 118-i – 14 jasqa deıingi jasóspirimder.

О́tken aptada aldyńǵy apta­men salystyrǵanda aýrýshańdyq­tyń 84,1%-ǵa, 312-den 1 964-ke ós­keni baıqalady. Qańtardyń 19-yn­da Batys Qazaqstan obly­synda koronavırýs ınfeksııa­­syn juqtyr­ǵan 376 jaǵdaı tirkeldi.

Batys Qazaqstan oblysyn­da vak­sınalaýdyń birinshi komponentin 261 869 adam (63,1%), ekinshi kompo­nen­tin 246 825 adam (59,5%) saldyrdy.

Sondaı-aq oblysta revaksınalaý boıynsha jumys qarqyndy júrýde. Búginde 31 335 adam qaıta vaksınalaýdan ótti. Al 12-17 jas aralyǵyndaǵy jasóspirimder, júkti jáne bala emizetin áıelder sanatynan 7 360 adam Komırnatı (Pfizer) vaksınasynyń birinshi komponentin, 4 487 adam ekinshi komponentin aldy.

Batys Qazaqstan oblysy