Onda kelip túsý, bólý jáne olardy paıdalaný boıynsha esep júrgiziledi, dep habarlaıdy Egemen.kz AShM baspasóz qyzmetine silteme jasap.
Kadrlardy daıarlaý salasynda mınıstrlik barlyq oqý oryndarynda veterınarııa mamandyqtary boıynsha bilim berýdiń biryńǵaı baǵdarlamasyn engizýdi, veterınarııalyq mamandyqtar úshin aýyldyq kvotany 70%-ǵa deıin arttyrýdy, sondaı-aq joǵary oqý ornyn bitirgennen keıin 3 jyl ishinde tek oqý orny boıynsha ǵana emes, «Serpin» jobasy boıynsha Qazaqstannyń basqa da eńbek kúshi tapshy óńirlerinde túlekterdiń jumysty óteýine múmkindik berýdi usynady.
Dúnıejúzilik janýarlar densaýlyǵy uıymynyń jer ústi janýarlarynyń densaýlyǵy Kodeksiniń usynystaryna sáıkes, veterınarııalyq statýarlyq organ qurý josparlanyp otyr.
Veterınarııa salasyndaǵy mamandardyń jalaqysyn kóterý vedomstvonyń mańyzdy mindetteriniń biri sanalady. Onsyz qyzmettiń tartymdylyǵyn arttyrýǵa qol jetkizý múmkin emes.
Qazirgi ýaqytta osy máseleni sheshýdiń birneshe joly usynylady, atap aıtqanda, veterınarııalyq is-sharalardy ótkizý boıynsha kórsetiletin qyzmetterge tarıfterdi qaıta qaraý, aqyly qyzmet túrleriniń kólemin ulǵaıtý, veterınarııalyq dárigerge júkteme normatıvin bekitý.
Usynylyp otyrǵan sharalar Parlament Senaty depýtattarynyń, múddeli memlekettik jáne jergilikti atqarýshy organdardyń, Bilim jáne ǵylym uıymdarynyń, bıznestiń, qoǵamdyq birlestikterdiń qatysýymen túrli alańdarda talqylanatynyn atap ótý qajet.
Veterınarııa júıesin reformalaý jónindegi sharalardy iske asyrý Agroónerkásiptik keshendi damytýdyń 2021-2030 jyldarǵa arnalǵan tujyrymdamasyn iske asyrý sheńberinde, onyń ishinde Qazaqstan Respýblıkasynyń zańnamalyq qajetti qarajatty bóle otyryp, 2022-2026 jyldarǵa josparlanyp otyr.