Búgin, 15 naýryz kúni fýtboldan Qazaqstan premer-lıgasy komandalary arasyndaǵy chempıonat bastaldy. Qazir birinshiliktiń birinshi oıynynyń nátıjesi belgili boldy. Qostanaıdyń «Tobyly» óz alańynda Semeıdiń «Spartagyn» qabyldap, 2:1 etip utty. Bul týraly Egemen.kz habarlady.
Match Zatobolsk qalasyndaǵy stadıonda ótti. Qarsylastar oıynnyń birinshi taımynda esep asha almady. Al ekinshi taımda buǵan qonaqtar birinshi bolyp qol jetkizdi. Sóıtip, 67-mınýtta gol soqqan semeılik Maksım Azovskıı bıylǵy chempıonattyń da alǵashqy dobynyń da avtory atandy.
«Tobyl» tarazy basyn 76-mınýtta teńestirdi. Ony Anatolıı Bogdanov jasady. Arada 4 mınýt ótkende, Ognen Krasıch alań ıelerin alǵa shyǵardy. Ol komandalasy Tomash Shımkevıchtiń pasyn ádemi paıdalandy. Osy esep oıynnyń sońyna deıin saqtaldy.
Búgi sondaı-aq «Ertis» (Pavlodar) – «Shahter» (Qaraǵandy), «Taraz» (Taraz) - «Aqtóbe» (Aqtóbe), «Qaısar» (Qyzylorda) - «Ordabasy» (Shymkent), «Astana» (Astana) – «Jetisý» (Taldyqorǵan), «Qaırat» (Almaty) – «Atyraý» (Atyraý) ózara kezdesedi.
Damır Qojamqul.
Derekkóz: Egemen.kz.
Foto: Vesti.kz.