Búgin, 15 naýryz kúni fýtboldan Qazaqstan premer-lıgasynyń 2014 jylǵy chempıonaty bastaldy. Qazir birinshi týrdy taǵy eki matchynyń nátıjesi belgili boldy. Bul týraly Egemen.kz habarlady.
Bir mezgilde, saǵat 16:00-te Taraz ben Qyzylordada oıyndar bastaldy. Bulardyń birinshisinde Tarazdyń «Tarazy» Aqtóbeniń «Aqtóbesin», ekinshisinde Qyzylordanyń «Qaısary» Shymkenttiń «Ordabasysyn» qabyldady.
Tarazdaǵy oıynnyń 40-mınýtynda aqtóbelik Marat Haırýllın penaltıden esep ashty. Arada 3 mınýt ótkende alań ıeleriniń qorǵaýshysy Sıgýrnı Bandjar óz qaqpasyna gol soǵyp aldy. Sóıtip, meımandar tez 2:0 degen basymdyqqa jetti. Olar osy artyqshylyqty kezdesý sońyna deıin saqtaı bildi.
Kelesi oıynda «Qaısar» bir dop aıyrmashylyǵymen qonaqtardan basym tústi. Jalǵyz goldy 23-mınýtta Dýshan Savıch penaltıden saldy.
Eske sala keteıik, saǵat 14:00-de Zatobolskide Qostanaıdyń «Tobyly» men Semeıdiń «Spartagy» arasyndaǵy matchpen 2014 jylǵy chempıonat sóreden shyqty. Oıyn 2:1 esebimen alań ıeleriniń paıdasyna sheshildi. Ekinshi oıyn 15:00 saǵatta Pavlodarda órbidi. Jergilikti «Ertis» onda Qaraǵandynyń «Shahterin» qabyldady. Kezdesýde pavlodarlyqtar 1:0 esebimen jeńiske jetti.
Endi «Astana» - «Jetisý», «Qaırat» - «Atyraý» aralarynda matchtar nátıjelerin kútip otyrmyz. Bulardyń alǵashqysy 17:00, ekinshisi 18:00 saǵattarda bastaldy.
Damır Qojamqul.
Derekkóz: Egemen.kz.
Foto: Vesti.kz.