Jenevada Reseı syrtqy ister mınıstri Sergeı Lavrov pen AQSh memlekettik hatshysy Entonı Blınkenniń Reseıdiń qaýipsizdik kepildigi jónindegi usynystary boıynsha kelissózderi aıaqtaldy, dep habarlady Egemen.kz.
Olar josparlanǵan ýaqyttan az, bir jarym saǵat sóılesken. Syrtqy ister organdary basshylarynyń kezdesýi Máskeý ýaqytymen 13:00-de bastalǵan.
Otyrysty ashqan Lavrov Máskeýdiń AQSh Memlekettik hatshysymen kelissózderden eshqandaı serpilis kútpeıtinin, biraq qaýipsizdik kepildigi boıynsha jaýap kútip otyrǵanyn atap ótti.
Blınken bolsa AQSh-tyń Reseımen dıalogqa daıyn ekenin aıtty.
«Bul synı sát. Siz durys aıtasyz, biz qazir jáne osy jerden nátıje kútpeımiz, biraq men dıplomatııanyń múmkindikteri ashyq qalady dep úmittenemin. Qalyptasqan qaıshylyqtardy beıbit jolmen sheshkenimiz jón», dedi ol.