Búgin, 15 naýryz kúni bastalǵan fýtboldan Qazaqstan premer-lıgasynyń chempıonatynda «Astana-Arena» kesheninde kezdesken «Astana» men Taldyqorǵannyń «Jetisý» komandalary arasyndaǵy match 0:0 esebimen teń aıaqtaldy. Bul týraly Egemen.kz habarlady.
Matchta qarsylastar bir-birleriniń qaqpalary qulpyn asha almady. Astanalyq fýtbolshylar 50-mınýtta gol soǵýdyń óte qolaıly sátin jiberip aldy. Biraq elorda jasaǵy sapyndaǵy portýgal fýtbolshysy Sıserý penaltıdi paıdalana almady. Al buǵan deıingi eki oıynda osyndaı 11 metrlik belgilenip, ony urýshylar tıimdi paıdalana bilgen edi.
Budan buryn Qostanaıdyń «Tobyly» óz alańynda Semeıdiń «Spartagyn» 2:1 etip utsa, Pavlodarda «Ertis» Qaraǵandynyń «Shahterin» 1:0 esebimen jeńdi. Al Tarazda jergilikti komandany «Aqtóbe» 2:0 etip tize búktirse, Qyzylordada «Qaısar» Shymkenttiń «Ordabasy» ujymynan 1:0 esebimen basym tústi.
Bir aıta ketetin jaıt, Vesti.kz saıtynyń habarlaýynsha, «Astana» jasaǵynyń jankúıerleri Asqar men Dınara osy kúni úılený toılaryn ótkizip jatqandaryna qaramastan, bul matchqa arnaıy kelip qaıtýǵa ýaqyt taýypty.
Endi týrdyń bir ǵana oıyny qalyp tur.
Damır Qojamqul.
Derekkóz: Egemen.kz.
Foto: Vesti.kz.