«Bolashaq» halyqaralyq stıpendııasynyń úmitkerlerine tildi bilýdiń shektik deńgeıi kóterildi. Bul týraly Aqordanyń baspasóz qyzmeti habarlady.
«2014 jyldan bastap magıstratýrada oqý jáne taǵylymdamadan ótý úshin shet tilin bilýdiń qajetti bastapqy deńgeıi IELTS 9,0 balldan – 3,0-den 4,0. ballǵa deıin, al rezıdentýrada, doktorantýrada oqýǵa – 5,0 ballǵa deıin ulǵaıtyldy», - delingen habarlamada.
Sondaı-aq, memlekettik tildi bilý jónindegi barlyq sanattaǵy úmitkerlerge eń tómengi talaptar arttyryldy. QAZTEST júıesi boıynsha eń tómengi deńgeı – 150 balldan 85-ke deıingi balldy qurady.
Oqý jáne tildik kýrstardan ótý úshin usynylatyn sheteldik jetekshi joǵary oqý oryndarynyń, sheteldik uıymdardyń tizimi qaıta qaraldy. 2014 jyly tizim 17 ýnıversıtetpen tolyqtyrylyp, 8-i alynyp tastaldy.
Shetelde taǵylymdamadan ótý ornyna qoıylatyn talaptardyń ólshemi bekitildi. Atap aıtqanda, taǵylymdamalar tek qana jetekshi sheteldik joǵary oryndary men olardyń janyndaǵy medısınalyq mekemelerdiń bazasynda, sondaı-aq álemge tanymal óńirlik ǵylymı-zertteý ortalyqtarynda, kompanııalar men salalyq uıymdarda júzege asyrylatyn bolady.
Buǵan qosa, stıpendııadan aıyrýǵa jáne komıssııaǵa kelip túsken ótinishterdi qaraýǵa baılanysty máseleler qaraldy.
Murat Aıtqoja.
Derekkóz: Aqorda saıty.