Qyrǵyz Prezıdenti Sadyr Japarov Qytaı Halyq Respýblıkasyna jumys saparymen barar aldynda qashyqtan jumys isteýge kóshti, dep habarlaıdy Egemen.kz Japarovtyń baspasóz qyzmetine silteme jasap.
«Bul álemde koronavırýstyq ınfeksııanyń taralýyna jáne qazirgi jaǵdaıda epıdemıologııalyq qaýipsizdik sharalaryn saqtaý qajettiligine baılanysty», delingen habarlamada.
Sadyr Japarov qashyqtaǵy rejımge qaramastan ádettegi jumys kestesine sáıkes qyzmetin jalǵastyrady.
Aıta keteıik, 3-5 aqpanda Qytaıǵa josparlanǵan sapar aıasynda Prezıdent Sadyr Japarov Beıjińde ótetin Qysqy Olımpıada oıyndarynyń ashylý rásimine qatysady. Sondaı-aq QHR Tóraǵasy Sı Szınpınmen ekijaqty kezdesý ótkizedi.