Atalmysh faktige qatysty tekserý júrgizilip jatyr, dep habarlaıdy Egemen.kz Pavlodarnews.kz-ke silteme jasap.
23 qańtar kúni saǵat 17:47-de 34 jastaǵy qala turǵyny polısııaǵa qońyraý shalyp, belgisiz bireýler úıiniń terezelerine oq atqanyn aıtqan. Shaqyrý boıynsha oqıǵa ornyna jedel-tergeý toby dereý jetken. Tekserý barysynda eki oq atylǵany jáne saldarynan Buqar jyraý kóshesindegi úıdiń úshinshi qabatynda ornalasqan balkonnyń áınegi zaqymdalǵany anyqtaldy.Polısııa qyzmetkerleri 13-15 jas aralyǵyndaǵy 7 kámeletke tolmaǵan balany ustady. Olar Pavlodar qalasynyń № 6, 16, 29 jáne 34 mektepteriniń oqýshylary bolyp shyqty.
- 23 qańtarda jasóspirimder dosyna kompıýterlik oıyndar oınaýǵa jınalǵan. Olardyń biri ózimen birge dosynan alǵan tapanshaǵa uqsas zatty alyp kelgen. Qyzyǵýshylyq úshin balalar balkonǵa shyǵyp, kezekpen oq atqan. Bul oqtyń biri polısııaǵa júgingen er adamnyń páter ıesiniń balkonynyń terezesine tıgen, - delingen habarlamada.
Qarý tárkilenip, saraptama taǵaıyndaldy. Sonyń nátıjeleri boıynsha kámeletke tolmaǵandarǵa qatysty is júrgizý sheshimi qabyldanady.