Búgin, 17 naýryz kúni Ekvadorda ótip jatqan oqý-jattyǵý jıyndary kezinde ınsýlt alǵan «Astana Continental» klýbynyń velosportshysy Erlan Pernebekov qaıtys boldy. Bul týraly «Astana Pro Team» komandasynyń baspasóz qyzmeti habarlady.
Atalǵan klýbtyń habarlaýynsha, 14 naýryz kúni jergilikti ýaqyt boıynsha keshke jaqyn Erlan kezekti jattyǵýlardyń birinen keıin bas aýrýymen dárigerlerdiń kómegine júgingen. Sol kezde ol aýrýhanaǵa jetkiziledi. Tekseris kezinde Erlannyń mıyndaǵy qan tamyrlarynyń biri úzilip ketkendigi anyqtaldy. Sodan keıin sportshyǵa jasandy koma qoldanyldy. Biraq, osynyń bári Erlannyń ómirine arasha bola almady...
Qazir Syrtqy ister mınıstrligi Erlan Pernebekovti elge jetkizý máselesin qarastyrýda.
Dastan Kenjalın.
Derekkóz: http:// astanafans.com.
Foto: http:// astanafans.com.