Malaızııanyń Alor-Setar qalasynda ótken «Agong kýbogi» jolyndaǵy jarysta Qazaqstannyń tájirıbelik ulttyq qurama komandasy alty altyn medal jeńip aldy. Bul týraly Qazaqstan Boks federasııasy habarlady.
Jarysta óz salmaqtarynda Ádilbek Ádiljan (56 kg), Baǵdat Ýaıdaev (60 kg), Máýlen О́skenbek (64 kg), Aıtjan Shleev (69 kg), Nurzada Sabyrov (75 kg) pen Tursynbaı Qulahmet (81 kg) kýbok ıegeri atandy. Al Máýlen О́skenbek jarystyń eń úzdik boksshysy ataǵyna ıe boldy. Jalpy, oǵan 8 elden 58 boksshy qatysty.
Bul – tájirıbelik qurama komandanyń halyqaralyq sharshy alańdaǵy alǵashqy jeńisi. Qazir onyń quramyna bolashaǵynan úmit kúttiretin 22 sportshy enip otyr. Komandanyń ózi qańtar aıynda qurylǵanyn bilesizder.
Dastan Kenjalın.
Derekkóz:www.ktb.kz.
Foto: www.ktb.kz.