Búgin, 17 naýryz kúni qazaqstandyq belgili telejýrnalıst Vladımır Antonov qaıtys boldy. Bul týraly «Habar» telearnasy habarlady.
«Vladımır Vladımırovıch uzaqqa sozylǵan naýqastan keıin qaıtys boldy. Onyń jasy 77-de edi. Jerleý erteń Almatyda ótedi», - dep habarlady onyń áriptesteri dúısenbi kúni telefonmen.
V.Antonov televıdenıege 1958 jyly kınooperator retinde keldi. Sosyn 30 jyl Qazaq televıdenıesinde jańalyqtar kommentatory bolyp qyzmet etti. Ol «Habar» telearnasy ashylǵanda birinshi bolyp shaqyrylǵandar qatarynda boldy.
V.Antonov Nursultan Nazarbaev 1991 jyly búkilhalyqtyq daýys berý qorytyndysy boıynsha birinshi ret prezıdent bolyp saılanǵan kezde odan eń alǵashqy bolyp suhbat alǵan jýrnalıst edi.
Talantty jýrnalıst resmı túrde zeınet demalysyna ketkennen keıin de ózi búkil sanaly ǵumyryn arnaǵan televıdenıeden baılanysyn úzgen joq. Ony burynǵy áripteri «Alty sotyq» degen habardy júrgizýge shaqyrdy. Bul baǵdarlamany ol 11 boıy júrgizip, tanymalylar qataryna qosty.
Biz áriptesimizdiń otbasyna qaıǵyryp, kóńil aıtamyz.
Rýslan Igilik.
Derekkóz: Habar telearnasy.