Ońtústik Koreıada koronavırýs dertin juqtyrý rekordtyq deńgeıge jetti. Táýlik ishinde aýyrǵandardyń sany 8 751-di qurady, dep habarlaıdy Egemen.kz.
Eldegi aýrýlardy baqylaý jáne aldyn alý agenttigi (KDCA) keltirgen derekterge sensek, seısenbi kúni vırýs juqtyrǵandar qosa eseptegende aýyrǵandardyń qarasy 749 979-ǵa jetken. Koreıada 2020 jyldyń 20 qańtarynda vırýs anyqtalǵannan beri birinshi ret bir táýlikte juqtyrý jaǵdaılary 8 000-nan asyp otyr. Koronavırýstan qaıtys bolǵandar sany 6 588-ge jetti, dúısenbi kúni bul kórsetkish 23-ke kem bolǵan.
Bılik omıkron shtamynyń qazirgi taralý qarqynyn eskere otyryp, kelesi aıda juqtyrý jaǵdaılary kúnine 30 000-nan asýy múmkin ekenin eskertti.