Merki aýdanyndaǵy mektepterdiń birindegi 44 jastaǵy H. atty muǵalıma esirtki zattaryn saqtaǵany jáne satqany úshin ustaldy. Onyń úı-jaıyn tintken kezde 34 býma marıhýana tabyldy.
Kúdikti ustaz polısııaǵa esirtkilerdi satyp alýshylardyń arasynda óziniń oqýshylary da bolǵanyn moıyndaǵan. Jergilikti bilim salasynda qyzmet etkenine toǵyz jyldaı ýaqyt bolǵan onyń ózi eki balaly ana. Tergeý barysynda esirtki ótkerý sııaqty bylǵanysh is-áreketke ony azamattyq nekedegi kúıeýi májbúrlegeni belgili boldy. Polısııa qyzmetkerleri, sonymen birge, esirtki satýmen aınalysqan muǵalımanyń Taraz qalasy men Merki aýylynda turatyn 7 «áriptesin» de qolǵa túsirdi.
Oblystyq IID esirtkige qarsy kúres basqarmasynyń bastyǵy Shopyrhan Japabaevtyń aıtýynsha, qolǵa túskenderdiń bári qylmystaryn moıyndaryna alǵan. Sondaı-aq, ustazynan esirtki satyp alǵan oqýshylar da belgili boldy.
Qazir tergeý odan ári júrip jatyr.
Kósemáli SÁTTIBAIULY,
«Egemen Qazaqstan».
Jambyl oblysy,
Merki aýdany,
Merki aýyly.