Almatydaǵy jaǵdaı turaqtaldy. Qala aýmaǵynda qabyldanǵan qaýlyǵa sáıkes, 2022 jylǵy 26 qańtarda saǵat 00:00-den bastap lańkestikke qarsy operasııa rejımi toqtatylyp, terrorıstik qaýiptiń «qyzyl» deńgeıi joıyldy. Bul týraly qalalyq jedel shtab qyzmeti málim etti, dep habarlaıdy Egemen.kz.
Atalǵan ýaqyttan bastap lańkestik qaýiptiliktiń joǵary «qyzǵylt sary» deńgeıi belgilendi.
«Arnaýly jáne quqyq qorǵaý organdary tártipsizdikterge qatysýshylar men uıymdastyrýshylardy anyqtaý boıynsha jedel izdestirý sharalaryn jalǵastyrady», dep jazylǵan habarlamada.
Terrorlyq qaýiptiń qazirgi deńgeıinde quqyq qorǵaý organdaryna qarý-jaraq pen jarylǵysh zattardy tabý maqsatynda kólik quraldaryn tintýge ruqsat etilgen.
«Quqyq qorǵaý organdarynyń jumysyna túsinistikpen qarap, shydamdylyq tanytyp, olardyń zańdy talaptaryn buljytpaı oryndaýlaryńyzdy suraımyz», delingen qalalyq shtab taratqan habarlamada.