Respýblıkalyq mańyzy bar joldardy qysqy maýsymda kútip ustaý maqsatynda «Qazaqavtojol» JShS kásiporny 1 myńnan astam arnaıy tehnıka jumyldyrdy, dep habarlaıdy Egemen.kz QR IIDM baspasóz qyzmetine silteme jasap.
Mınıstrliktiń habarlaýynsha, qazirgi ýaqytta elimizdegi avtojoldarda 133 jylytý beketi jumys istep tur.
Kóktaıǵaqqa qarsy 122 myń tekshe metrden asa qum men untaq, 18 myń tonnaǵa jýyq tuz jáne hımııalyq reagentter daıyndaldy. Al qar qursaýy paıda bolýy múmkin jerlerde 55 myń metrden astam qardan qorǵaıtyn qalqandar men 5 myńǵa jýyq ýaqytsha jol belgileri ornatylýda.
Búgingi tańda respýblıkalyq mańyzy bar avtojoldardyń barlyǵy ashyq. Olardy kútip ustaý jumystary táýlik boıy júrgiziledi. Qar basatyn barlyq ýchaskelerde aýa raıynyń ózgerýine baılanysty jáne jol elementterin aýystyrý úshin shuǵyl áreket etetin táýlik boıǵy patrýldeý uıymdastyryldy.
Aıta ketsek, saparda qıyn jaǵdaıǵa tap bolǵan jolaýshylar úshin el boıynsha 133 jylytý beketi jumys isteıdi.
Oqys jaǵdaılar týyndaǵan kezde jol qozǵalysyna qatysýshylar 1403 nómiri boıynsha táýlik boıy isteıtin call-ortalyqqa júgine alady.