Tapsyrmalardyń oryndalýy oıdaǵydaı

Senbi kúni Premer-Mınıstr Serik Ahmetov Memleket basshy­­­­sy­nyń 2013 jylǵy 11 qazanda jáne 2014 jylǵy 14 aqpanda ótken Úki­mettiń keńeıtilgen otyrysynda bergen tapsyrmalaryn oryndaý boıyn­­sha keńes ótkizdi, dep habarla­dy Premer-Mınıstrdiń baspasóz qyz­meti. Atap aıtqanda, Prezıdenttiń mem­le­kettiń qatysýymen ju­mys isteıtin kásiporyndardy jeke­menshik sektorǵa berý úshin tizimin anyqtaý, geologııalyq barlaý jumystary baǵdarlamasyn daıyndaý, «Samuryq-Qazyna» AQ qu­ramyna enetin, kompanııalardyń óndirispen tikeleı aınalysatyn jumysshylarynyń eńbekaqysyn kóterý jáne basqa da tapsyrmalaryn júzege asyrý boıynsha máseleler qaraldy. Sondaı-aq, halyqaralyq «Qa­zaq­stan Jibek Joly» deńgeıinde kólik-lo­gıs­tıkalyq júıe qurý, «Kendirli» kýrortyn odan ári damytý boıynsha usynys­tar engizý jáne jańǵyrmaly tabıǵı resýrstardy paıdalaný salasynda otandyq ǵylymdy damytýǵa qoldaý kórsetý boıynsha tap­syr­malardyń oryndalý barysy qaraldy. «Tutastaı alǵanda, Prezıdent tapsyrmalaryn oryndaý jaqsy júrip jatyr. Birinshi basshylar bul máseleler­di aıryqsha nazarda ustaýy kerek. Biz mem­lekettik organdardyń esepterin turaqty túrde tyńdaıtyn bolamyz», dep túıindedi keńesti Serik Ahmetov.