Sý tartý qurylystarynyń balyq qorǵaý qurylǵylaryna qoıylatyn talaptaryn bekitý týraly
2004 jylǵy 9 shildedegi Qazaqstan Respýblıkasynyń «Janýarlar dúnıesin qorǵaý, ósimin molaıtý jáne paıdalaný týraly» Zańynyń 9 baby 1-tarmaǵynyń 29) tarmaqshasyna sáıkes, buıyramyn: 1. Qosa berilip otyrǵan sý tartý qurylystarynyń balyq qorǵaý qurylǵylaryna qoıylatyn talaptary bekitilsin. 2. Qazaqstan Respýblıkasynyń Qorshaǵan orta jáne sý resýrstary mınıstrligi Balyq sharýashylyǵy komıteti zańnamada belgilengen tártipte qamtamasyz etsin: 1) osy buıryqtyń Qazaqstan Respýblıkasy Ádilet mınıstrliginde memlekettik tirkelýin; 2) osy buıryqtyń memlekettik tirkelgennen keıin on kúntizbelik kún ishinde ony resmı jarııalaýǵa merzimdik baspa basylymdaryna jáne «Ádilet» aqparattyq-quqyqtyq júıesine jiberilýin; 3) osy buıryqtyń Qazaqstan Respýblıkasynyń Qorshaǵan orta jáne sý resýrstary mınıstrliginiń ınternet-resýrsyna ornalastyrylýyn. 3. Osy buıryqtyń oryndalýyn baqylaý Qazaqstan Respýblıkasynyń Qorshaǵan orta jáne sý resýrstary mınıstrliginiń jetekshilik etetin vıse-mınıstrine júktelsin. 4. Osy buıryq alǵashqy resmı jarııalanǵan kúnnen bastap on kúntizbelik kún ótken soń qoldanysqa engiziledi.
Mınıstrdiń m.a. E.NYSANBAEV. Qazaqstan Respýblıkasynyń Qorshaǵan orta jáne sý resýrstary mınıstriniń 2013 jylǵy 31 jeltoqsandaǵy №398-О́ buıryǵymen bekitilgen 1. Jalpy erejeler 1. Osy Sý tartý qurylystarynyń balyq qorǵaý qurylǵylaryna qoıylatyn talaptary (budan ári – Talaptar) 2004 jylǵy 9 shildedegi Qazaqstan Respýblıkasynyń «Janýarlar dúnıesin qorǵaý, ósimin molaıtý jáne paıdalaný týraly» Zańynyń 9 baby 1-tarmaǵynyń 29) tarmaqshasyna sáıkes ázirlengen. 2. Talaptarda kelesi anyqtamalar qoldanylady: 1) balyq qorǵaıtyn qurylǵy (budan ári – BQQ) – balyq resýrstary men basqa da sý janýarlarynyń sý jınaıtyn jáne gıdrotehnıkalyq qurylystarǵa túsýin boldyrmaýǵa arnalǵan qurylǵy: 2) sý tartý qurylǵysy – sý obektilerinen sý tartýǵa arnalǵan qurylǵylar kesheni; 3) ýákiletti organ – janýarlar dúnıesin qorǵaý, ósimin molaıtý jáne paıdalaný salasyndaǵy basshylyqty, sondaı-aq óz ókilettikteri sheginde salaaralyq úılestirýdi júzege asyratyn ortalyq atqarýshy organ. 3. BQQ qoıylatyn basty talaptar: tıimdi balyq qorǵaý; sýdy kepildi (úzdiksiz) jiberý; paıdalanýdyń qol jetimdi quraldarynda senimdi áser etý (konstrýksııanyń qarapaıymdylyǵy, avtomattyq áreket). 4. Balyq sharýashylyǵy sý aıdyndarynda ornalasqan sý tartý qurylǵylaryn BQQ-syz qurý jáne paıdalaný jiberilmeıdi. 2. Sý bógetteri úshin balyq qorǵaý qurylǵylaryn jobalaýǵa qoıylatyn talaptar 5. BQQ jobalaý kezinde QShjE 2.06.07-87 «Tireýish qabyrǵalar, keme qatynasty shlıýzderi, balyq qorǵaý jáne bylyq jiberý qurylǵylary» (budan ári – KShjE) talaptary saqtalýy qajet. 6. BQQ jobalaý sondaı-aq ǵylymı zertteý jáne jobalyq-izdenis jumystary negizinde oryndalady. 3. Bógetterdegi paıdalanylatyn BQQ qoıylatyn talaptar 7. Ornatýy ýákiletti organnyń aýmaqtyq bólimshelerimen kelisilgen BQQ ǵana paıdalanýǵa jiberiledi. Kelisimde BQQ túri jáne onyń tehnıkalyq sıpattamalary kórsetiledi. 8. BQQ paıdalaný QShjE sáıkes júrgiziledi. 9. BQQ jetkiliksiz tıimdiligi anyqtalǵan kezde paıdalanýshy uıymmen ókiletti organnyń aýmaqtyq bólimshesimen kelisilgen qurylys jobasy qurastyrylady. Qurylysty qaıta jobalaý ǵylymı zertteýler men usynystar negizinde júzege asyrylady. 10. Ýákiletti organnyń aýmaqtyq bólimshesiniń kelisiminsiz BQQ qondyrǵynyń bir túrinen ekinshi túrine ruqsat etilmeıdi. 11. BQQ óziniń tehnıkalyq sıpattamalaryna sáıkes jáne barlyq qurylystyq toraptary men elementteri jumysqa jaramdy jaǵdaıda bolýy kerek. 12. BQQ tıimdiligi QShjE sáıkes anyqtalady. Buıryq Qazaqstan Respýblıkasynyń Ádilet mınıstrliginde 2014 jylǵy 5 aqpanda Normatıvtik quqyqtyq kelisimderdi memlekettik tirkeýdiń tizilimine №9131 bolyp engizildi.