Prezıdentimizdiń «Halyq únine qulaq asatyn memleket» tujyrymdamasyn iske asyrý negizinde, Shymkent qalasynyń ákimi Murat Áıtenov Qarataý aýdanyna qarasty, Saıram, О́temis, Dostyq, Isfıdjab, Qyzyl sý, Ormanshy jáne Shapyrashty turǵyn alabtarynyń turǵyndarymen kezdesti, dep habarlaıdy Egemen.kz Shymkent qalasy ákimdiginiń baspasóz qyzmetine silteme jasap.
Qalalyq ózbek drama teatrynda bolǵan kezdesýde atalǵan 7 eldi mekenniń belsendilerimen ashyq suhbat boldy.
Jıynǵa kelgen eldi meken belsendileri kóshelerdi jaryqtandyrý, aýyz sý, ishki oramdyq kóshelerge ortasha jóndeý júrgizý, О́temis turǵyn alabyndaǵy 1960 jyly salynǵan klýbtyń ornyna jańa ǵımarat salý, qatty turmystyq qaldyqtardy shyǵarý máselesi men káriz júıesimen qamtý, balalar oıyn alańshasyn salý, ırrıgasııalyq aryqtar ornatý syndy ótinishterin jetkizdi.
Murat Áıtenov árbir máselege egjeı-tegjeıli toqtalyp, sheshý joldaryn sala jetekshilerimen talqylady.
- Biz árqashan dıalogqa ashyqpyz, qala turǵyndary úshin jaıly jaǵdaı jasaý ákimdiktiń basty mindeti ekenin jetkizgim keledi. Túıtkildi problemalar memlekettik baǵdarlamalar sheńberinde sheshiletin bolady, - dedi shahar basshysy.