Memleket basshysy Qasym-Jomart Toqaev Azııadaǵy ózara is-qımyl jáne senim sharalary jónindegi keńes qazaqstandyq tóraǵalyqtyń basymdyqtaryn atap ótti, dep habarlaıdy Egemen.kz.
«Álemde bolyp jatqan oqıǵalar terrorızm, ekstremızm, transulttyq qylmys qazirgi zamannyń ózekti syn-qaterleri bolyp qalatynyn kórsetedi. Bul jaǵdaıda AО́SShK qyzmeti erekshe ózektilikke ıe. Qazaqstan forýmnyń qazirgi tóraǵasy bolyp tabylatyny jáne AО́SShK keńistiginde qaýipsizdik pen yntymaqtastyqty nyǵaıtý úshin barlyq kúsh-jigerin salatyny belgili. Forýmnyń odan ári ınstıtýsıonaldyq damýy, onyń halyqaralyq uıymǵa aınalýy bul jumysqa jańa serpin beredi dep sanaımyz», dedi Qasym-Jomart Toqaev «Ortalyq Azııa - Úndistan» sammıtinde sóılegen sózinde.
Prezıdent Keńestiń áleýeti men mártebesin nyǵaıtýdaǵy Úndistannyń róli zor ekenin atap ótti.
«Bıyl AО́SShK mereıtoılyq sammıti ótedi, Modı Myrza Sizdi Qazaqstannyń elordasynda kóremiz degen úmittenemin. Forým aıasynda talqylaýǵa shyǵarylatyn ózekti máselelerdiń qatarynda aýǵan máselesi de bar. Bizdiń saıası kózqarastarymyz ben jeke senimimizge qaramastan, biz Aýǵanstan men onyń halqyn gýmanıtarlyq daǵdarystyń buryn-sońdy bolmaǵan qıyndyqtary men qaýip-qaterlerimen jalǵyz qaldyrmaýymyz kerek. Qazaqstan óz tarapynan Aýǵanstanmen is júzindegi ózara is-qımyldy jalǵastyryp, mezgil-mezgil oǵan azyq-túlik, birinshi kezekte qajetti taýarlar men dári-dármekter túrinde kómek jiberedi. Qaýipsiz jáne turaqty Aýǵanstan Azııa elderiniń saýda-ekonomıkalyq baılanystaryn keńeıtýge jáne ornyqty damýyna jańa múmkindikter ashatynyna senimdimin», dep túıindedi Qasym-Jomart Toqaev.