Qostanaı oblysynyń Meńdiqara aýdanynda dárigerler tiri balany óldige sanaǵan. Bul týraly «Alaý» portaly habarlady.
«6 naýryz kúni Meńdiqara aýdandyq aýrýhanasy ýaqytynan erte týǵan náresteni óldige sanap, ony ata-anasyna bergen»,-deıdi Qostanaı oblysynyń prokýrory Marat Qaıybjanov. Alaıda, arada bir saǵat ótkende, jańa týǵan náresteniń tiri ekenin ákesi baıqap qalady. О́kinishke oraı, bul sábıdi aýrýhanaǵa qaıta ákelgenimen, ol 3 kúnnen soń kóz jumǵan. Ata-ana balamyzǵa tıisti dárejede em jasalǵanda, tiri qalýy múmkin edi dep otyr.
Buǵan qatysty oblystyq densaýlyq saqtaý basqarmasynyń basshysy Oral Bekmaǵambetov bylaısha túsinikteme berdi: «Osy jaǵdaıdy estigen boıy oblystyq densaýlyq saqtaý basqarmasynda dereý komıssııa quryldy. Olar oqıǵa ornyna baryp, mán-jaıdy anyqtady. Sáıkesinshe, tıisti jazalaý sharalary qoldanylyp, medısına qyzmetkerleri jumystan bosatyldy».
Jalpy, osy oqıǵa týraly jazylǵan gazettiń birinde aýrýhanadaǵy jaýapty qyzmetkerlerdiń ústinen qylmystyq is qozǵaý máselesi qarastyrylyp jatqany jóninde jazylǵan .
Ámirhan Almaǵanbetov.
Derekkóz: «Alaý» portaly.
Foto: Meta.kz.