Álıhan Smaıylov Syrtqy ister, Ishki ister, Indýstrııa jáne ınfraqurylymdyq damý mınıstrlikteriniń basshylyǵymen Úkimettiń 2022 jylǵa arnalǵan is-qımyl baǵdarlamasyn ázirleý máseleleri jóninde keńester ótkizdi, dep jazady Egemen.kz.
Jıynda birqatar mınıstrlikter Úkimettiń 2022 jylǵa arnalǵan is-qımyl baǵdarlamasyn ázirleý máseleleri jóninde usynystaryn ortaǵa saldy.
Syrtqy ister mınıstrligi usynǵan sharalar ınvestısııalar aǵynyn yntalandyrýǵa jáne ınvestısııalyq ahýaldy jaqsartýǵa, shet eldermen ınvestısııalardy kótermeleý jáne ózara qorǵaý týraly kelisimder jasasýǵa, sheteldik ınvestısııalardy tartý prosesinde ákimshilik-quqyqtyq kedergilerdi joıýǵa baǵyttalǵan. Syrtqy saıasat vedomstvosy QR Prezıdentiniń jańa reformalaryn shet elderde aqparattyq súıemeldeıdi.
Ishki ister mınıstrligi usynǵan sharalar quqyq qorǵaý organdary qyzmetkerleriniń quqyqtyq qorǵalýyn arttyrýdy, ishki ister organdarynyń ınfraqurylymy men materıaldyq-tehnıkalyq bazasyn qalpyna keltirýdi, jergilikti polısııa qyzmetin jaraqtandyrýdy, eldegi qoǵamdyq qaýipsizdikti qamtamasyz etý jónindegi mindetterdi tıimdi oryndaý úshin modýldik stasıonarlyq beketter men ýchaskelik polısııa pýnktterin salýdy kózdeıdi.
Indýstrııa jáne ınfraqurylymdyq damý mınıstrligi ındýstrııalandyrý, onyń ishinde ımportty almastyrý, TKSh júıesin sıfrlandyrý, turǵyn úı qurylysyna úlestik qatysý tetikteriniń ashyqtyǵyn qamtamasyz etý, jol salasyn sannan sapaǵa qaıta baǵdarlaı otyryp reformalaý, iri kásiporyndardyń tóńireginde óńdeý ónerkásibinde ShOB damytý jáne t. b. sharalardy usyndy.