Prezıdent Ákimshiliginiń kelisimi boıynsha Ishki ister mınıstri Erlan Turǵymbaevtyń buıryǵymen Aıdyn Qabdoldınov Soltústik Qazaqstan oblysy PD bastyǵy qyzmetine taǵaıyndaldy, dep jazady Egemen.kz.
SQO Ishki ister organdarynyń jeke quramyna jańa basshyny mınıstr Erlan Turǵymbaev pen Soltústik Qazaqstan oblysynyń ákimi Qumar Aqsaqalov tanystyrdy.
Aıdyn Qabdoldınov 1977 jyly 6 naýryzda Shyǵys Qazaqstan oblysy Marqakól aýdany Alekseevka aýylynda dúnıege kelgen.
Bilimi joǵary. 1998 jyly IIM Almaty zań ınstıtýtyn «Quqyqtaný» mamandyǵy boıynsha bitirgen.
Ishki ister organdarynda 1994 jyldyń qyrkúıeginen bastap qyzmet etip kele jatyr. Orta jáne aǵa basshy quramnyń ártúrli laýazymdaryn atqardy.
2020 jyldyń aqpanynan bastap Almaty Polısııa departamenti bastyǵynyń orynbasary qyzmetin atqardy. Buǵan deıin Almaty polısııasy ózindik qaýipsizdik basqarmasynyń bastyǵy bolǵan.