Almatyda «№3 oqýshylar úıi» MKQK bas býhgalteri sottaldy. Bul týraly Almaty qalasy boıynsha Qarjylyq monıtorıng agenttiginiń aýmaqtyq departamenti habarlady, dep jazady Egemen.kz.
Departamenttiń málimetinshe, Almaty qalasy bilim basqarmasynyń «№3 oqýshylar úıi» MKQK bas býhgalteri E.L.Ofıserovaǵa qatysty asa iri mólsherde bótenniń múlkin urlaý faktisi boıynsha sotqa deıingi tergeýdi aıaqtalǵan.
«Tergeý barysynda bas býhgalter 2013-2020 jyldar aralyǵynda óziniń kartochkalyq esepshotyna jalpy somasy 50 mln teńgeden astam bıýdjet qarajatynyń jalǵan jalaqysyn zańsyz aýdarǵany, sol arqyly memlekettik mekemege asa iri mólsherde materıaldyq zalal keltirgeni anyqtaldy», delingen habarlamada.
Sot úkimimen eks-bas býhgalter QR QK 189-baby 4-bóligi (asa iri mólsherde senip tapsyrylǵan bóten múlikti ıemdený nemese ysyrap etý) boıynsha 10 jyl merzimge materıaldyq-jaýapty laýazymdardy atqarý quqyǵynan aıyra otyryp, kináli dep tanyldy.