Fýtzaldan Qazaqstan quramasy Eýropa chempıonatynyń fınaldyq satysynda Italııa quramasyn 4-1 esebimen jeńip, shırek fınalǵa joldama aldy, dep habarlaıdy Egemen.kz.
Alǵashqy mınýttan alańǵa Igıta, Taınan, Tursagulov, Dýglas, Orazov bestigi shyqty. Oıyn barysynda olardy Atantaev, Karaǵulov, Edson, Valıýllın, Knaýb, Toqaev, Saǵyndyqov almastyrdy. Oıyn basynan qos qurama birden shabýylǵa kóshti.
Oıynnyń 5-mınýtynda qazaqstandyq Birjan Orazov mergendik tanytsa, 8-mınýtta Azat Valıýllın esepti eseledi. Oǵan 12-mınýtta Dýglas Nıkolodı bir golmen jaýap qaıyrdy.
Ekinshi kezeńniń 30-mınýtynda Birjan Orazov búgingi kezdesýdegi ekinshi golyn soqty. Al 38-mınýtta qazaqstandyq quramadan Dýglas Jýnıor qorytyndy esepti tirkedi.