NASA muhıttardyń az zerttelgen, qupııaǵa toly tereńdikterin zertteýdi qolǵa almaq. Dúnıejúzilik muhıt jer betiniń 70 paıyzdan astamyn alyp jatyr. Ǵalymdardyń aıtýynsha, teńiz sýlarynyń 80 paıyzy zerttelmegen.
AQSh ǵarysh agenttigi bul baǵytta eki máselege basa nazar aýdarýdy kózdep otyr. Maqsat – basqa ǵalamsharlarda bar muhıttardyń tabıǵatyn túsiný jáne ekstremaldy jaǵdaılarda jumys isteý tehnologııalaryn ázirleý.
Muhıttyń tereńdigi men ǵarysh keńistiginde ortaq nárse bar. Ol muhıt túbi men kún júıesindegi keıbir planetalarda kezdesetin uqsastyqtar. Bes shaqyrymnan astam tereńdiktegi muhıt qol jetpeıtin tuńǵıyq sanalady.
Álemdegi eń tereń jer – Marıana uńǵymasy jer betinen 11022 metr tómende jatyr. Bul oryn brıtan zertteý kemesi qurmetine «Chellendjer tereńdigi» dep te atalady. Ázirge mundaı tereńdikke súńgýge qabiletti qurylǵylar sanaýly ǵana.