Shaıbaly hokkeıden elordanyń «Barysy» baq synap jatqan Qurlyqtyq hokkeı lıgasynyń (QHL) matchtary qysqy Olımpııa oıyndarynan keıin jalǵasatyn boldy. Bul týraly QHL basshylyǵy málimdedi.
Birer apta buryn QHL klýbtary arasynda Qytaı astanasy – Beıjiń qalasyndaǵy qysqy Olımpıada kezinde chempıonatty jalǵastyrýǵa baılanysty saýaldama júrgizilgen bolatyn. Atalǵan týrnırge qatysyp jatqan 24 komandanyń 16-sy Olımpıada kezinde matchtardy ótkizýge qarsy ekenderin aıtqan. Sóıtip turaqty birinshiliktiń basshylyǵy Olımpıada kezeńinde chempıonatty jalǵastyrmaýǵa sheshim qabyldady.
QHL oıyndarynyń qalǵan bóligi qashan jáne qandaı formatta jalǵasatyny jóninde naqty sheshim 10 aqpanda belgili bolady. Qazirgi tańda qazaqstandyq «Barys» komandasy «Shyǵys» konferensııasynyń týrnır kestesinde 47 oıynnan keıin 48 upaımen 8-orynda tur. Al jalpy esepte 17-satyǵa jaıǵasqan.