AQSh prezıdenti Djo Baıden «Talıban» (Qazaqstanda qozǵalysqa tyıym salynǵan) úkimetin moıyndaýdyń shartyn atady. Sharttyń mazmuny Aq úıdiń resmı saıtynda jarııalandy, dep jazady Egemen.kz.
Djo Baıden «Talıbannan» 2020 jyly Aýǵanstanda tutqynǵa alynǵan AQSh áskerı-teńiz kúshteriniń ardageri Mark Frerıhsti bosatýdy talap etti. Osydan keıin ǵana «Talıban» bıligin zańdastyrý týraly talqylaý bastalýy múmkin ekenin aıtty.
«Talıban» úkimeti ózin moıyndatyp, zańdastyrý úshin Markty dereý bosatýy kerek. Ony bosatpasa kelissóz júrgizilmeıdi», dedi AQSh Prezıdenti.
Frerıhs 2020 jyldyń aqpan aıynyń basynda Kabýlda joǵalyp ketken. Ol Aýǵanstanda ınjener-qurylysshy bolyp on jyl qyzmet atqarǵan.