Naýryz merekesi qarsańynda Bulandy aýdany turǵyndarynyń dastarqan máziri túrlene tústi. О́ńirge tanymal kásipker Norık Vardanıan basqaratyn «Nanar» Agrofırma» JShS taǵamdyq jarma sehyn paıdalanýǵa qosty. On bir túrli ónim tutynýshyǵa qolaıly qaptamalarmen usynylýda.
Agrofırmanyń jeke qarajatyna salynǵan qaıta óńdeý kásipornynyń táýliktik qýaty 2000 tonnany quraıdy. Egistik alqabyn ártaraptandyrý nátıjesinde shıkizat qory da molaıa tústi. Kásiporynnyń 60 tonnalyq syıymdylyqtaǵy qoımasy jarma ónimderin jyl boıy úzdiksiz daıyndaýǵa múmkindik beredi.
Eki tehnologııalyq jelimen jumys isteıtin sehta 10 adam turaqty jumyspen qamtyldy. Reseı jáne Ýkraınanyń ozyq jabdyqtary ornatylǵan kásiporynnyń ónimderi bul kúnderi «Nanardyń» fırmalyq dúkenderinde joǵary suranyspen satylýda. Sondaı-aq, kásiporyn basshysy bulandylyq ónimge elimizdiń ózge aımaqtarynan, tipti, alys shetelderden de qyzyǵýshylyq barlyǵyn aıtady. Máselen, jýyrda Aýǵanstannan tapsyrys kelip túsipti.
Baqbergen AMALBEK,
«Egemen Qazaqstan».
Aqmola oblysy,
Bulandy aýdany.