Ýkraına prezıdenti Vladımır Zelenskıı áskerdi 100 myń adamǵa arttyrý týraly jarlyqqa qol qoıyp, Ýkraına ekonomıkasy turaqtalǵanyn málimdedi, dep habarlaıdy Egemen.kz.
Búgin Vladımır Zelenskıı Joǵarǵy Rada sessııanyń ashylý saltanatynda jarlyqqa qol qoıǵan.
«Jarlyq barlyq áskerıdi qarjylyq qamtamasyz etýdi eń tómengi jalaqynyń úsh mólsherinen tómen emes deńgeıge deıin arttyrýdy kózdeıdi. Sondaı-aq jarlyq maqsaty aldaǵy úsh jylda Ýkraına qarýly kúshteriniń sanyn 100 myń adamǵa arttyrý, Ýkraına qarýly kúshteriniń qosymsha 20 brıgadasyn qurý», dedi Zelenskıı.
Sondaı-aq ol el ekonomıkasynyń turaqtalǵanyn aıtyp, qańtar aıynda bıýdjetke túsetin túsimder 7 mıllıardqa artyǵymen oryndalǵanyn da aıtty.