Jambyl oblysynyń 40 jastaǵy týmasy Almatydaǵy ańshylyq dúkeninen qarý urlady degen kúdikke ilindi, dep habarlaıdy Egemen.kz Nur-Sultan qalasynyń PD baspasóz qyzmetine silteme jasap.
5-6 qańtarǵa qaraǵan túni er adam joldastarymen birge ań aýlaý dúkenine kirip, sol jerden múlik pen qarýdy urlap ketkeni anyqtaldy. Qylmystyq qýdalaýdan jasyrý maqsatynda er adam 20 qańtarda elordaǵa poıyzben keldi. Osy ýaqyt ishinde kúdikti jumysqa ornalasyp, jataqhanada bólme jaldap turǵan.
Jedel-izdestirý is-sharalary barysynda polısııa qyzmetkerleri Almatyda oryn alǵan búlik kezinde maroderlyq jasaǵan kúdiktini turǵylyqty jeri boıynsha ustady.
Qazirgi ýaqytta sotqa deıingi tergeý amaldary júrgizilýde, ustalǵan azamat Almaty qalasynyń polısııa qyzmetkerlerine tapsyryldy.