Memleket basshysy Nursultan Nazarbaev Aýyl sharýashylyǵy mınıstri Asyljan Mamytbekovti qabyldady, dep habarlady Prezıdenttiń baspasóz qyzmeti.
A.Mamytbekov mınıstrliktiń 2013 jylǵy qyzmetiniń qorytyndylary men 2014 jylǵa arnalǵan mindetter týraly baıandady, sondaı-aq, kóktemgi egis jumystaryna daıyndyq barysynan habardar etti.
Nursultan Nazarbaev ońtústik óńirlerde egis naýqanynyń jáne soltústik oblystarda daıyndyq jumystarynyń bastalýyna baılanysty kóktemgi tuqym sebýdi ýaqtyly jáne sapaly júrgizý úshin barlyq qajetti jaǵdaımen qamtamasyz etken jón ekenin atap ótti.
Mınıstr agroónerkásip keshenin, atap aıtqanda, mal sharýashylyǵyn damytý jáne birqatar salalyq baǵdarlamalardy iske asyrý barysy týraly da aıtty.
Kezdesý qorytyndysynda Memleket basshysy birqatar naqty tapsyrmalar berdi.