Qasym-Jomart Toqaevqa munaı kompanııasynyń Qazaqstandaǵy atqaryp jatqan jumystarynyń qorytyndylary jáne kómirsýtegi sektoryndaǵy birqatar birlesken jobalarǵa qatysty jospardyń júzege asyrylý barysy týraly esep berildi, dep jazady Egemen.kz.
Vagıt Alekperov Qazaqstan Prezıdentine «QazMunaıGaz» ulttyq kompanııasy men «Lýkoıl» jarııa aksıonerlik qoǵamy arasyndaǵy Kaspıı teńiziniń qazaqstandyq bóligin ıgerý jónindegi jobalar boıynsha yntymaqtastyqtyń qarqyndy damyp kele jatqanyn aıtty. «Jeńis» jáne «Ál-Farabı» jobalary aıasyndaǵy jer qoınaýyn paıdalanýǵa qatysty kelisimsharttar jasalyp, jumystar bastaldy. Sondaı-aq «Lýkoıl» munaı kompanııasy – «Qalamqas-teńiz» ben «Hazar» teńiz ken oryndaryn ıgerý jónindegi strategııalyq seriktes.
Memleket basshysy qosalqy merdigerlik jumystardy júzege asyrýǵa qazaqstandyq kompanııalar men jergilikti eńbek resýrstaryn barynsha tartý mańyzdy ekenin atap ótti.