Qarjylyq monıtorıng agenttigi Atyraý oblysy boıynsha aýmaqtyq departamenti monopolısttiń turǵyndar men zańdy tulǵalar úshin magıstraldyq qubyrlar arqyly sýmen qamtamasyz etý tarıfin asyra baǵalaý faktisin anyqtady, dep habarlaıdy Egemen.kz.
«Atalǵan fakti boıynsha Qazaqstan Respýblıkasy Qylmystyq kodeksiniń 221-babynyń 1-bóligi (monopolııalyq qyzmet) boıynsha sotqa deıingi tergeý amaldary júrgizilýde. Sonymen birge, tutynýshylarǵa keltirilgen zalaldy óteý maqsatynda 2022-jyldyń sońyna deıin Atyraý oblysynyń turǵyndary úshin atalǵan kommýnaldyq qyzmetterge jeńildetilgen ótemdik tarıf engizildi», dep jazylǵan habarlamada.
Tergeý múddesin saqtaý úshin ózge aqparat jarııa etilmeıdi.
Eske salaıyq, buǵan deıin Qarjylyq monıtorıng agenttigi Tarazda jylý tarıfin 15%-ǵa tómendetse, sonymen qatar 2021-jyldyń tamyzynda kommýnaldyq qyzmet baǵasynyń negizsiz ósýin toqtatqan bolatyn.