Qazaqstannyń birinshi, álemniń 35-raketkasy Aleksandr Býblık Monpele ATP 250 týrnıriniń shırek fınalyna shyqty, dep habarlaıdy Egemen.kz.
Osy jarystyń 6-raketkasy bolyp tirkelgen A.Býblık ekinshi aınalymda dúnıejúzilik reıtıngte 113-satyda turǵan fransııalyq Per-Iýg Erbermen kúsh synasty.
Birinshi partııada eki breık jasaǵan qazaqstandyq tennısshi basymdylyq tanytty – 6:3. Ekinshi sette qarsylastar breık almasyp, taı-breıkte Erberdiń asyǵy alshysynan tústi – 7:6 (7:2). Úshinshi, sheshýshi partııany A.Býblık breıkpen bastady – 2:0. Taǵy bir breık – 5:2. Sodan keıin matchqa dop bergende, óz múmkindigin jibergen joq – 6:2.
Eki saǵatqa jýyq ýaqytqa sozylǵan tartysty báseke barysynda qazaqstandyq sportshy 11 eıs jasap, 14 breık-poınttyń altaýyn óz esebine jazdy. Qarsylasy 7 eıs, 2 breıkten (7 breık-poınt) asa alǵan joq.
A.Býblık jartylaı fınalǵa shyǵý úshin álemniń 19-ynshy, osy dodanyń 2-raketkasy, ıspanııalyq Roberto Baýtısta-Agýt nemese reıtıngte 130-satydaǵy fransııalyq Jıl Sımonnyń bireýimen talasady.