Sýdy únemdeý úmitti aqtaı ma?

Sýdyń azdyǵy kóktem shyǵa egis qamyna kirisetin sharýanyń kúdigin kóbeıtip otyr. Osyǵan baılanysty «Qyzylorda oblysynda sý tapshylyǵy jaǵdaıyn­da eldi mekenderdi sýarmaly sýmen qamtamasyz etýge jáne ekologııalyq jaǵdaıdy jaqsartýǵa baǵyttalǵan birinshi kezektegi jobalardy iske asyrý jónindegi jol kartasy» jobasy ázirlenip, Úkimetke usynys joldandy.

Darııa deńgeıi, sýdy únemdeý máselesi oblys ákimi Gúlshara Ábdi­qalyqova men Ekologııa, geo­logııa jáne tabıǵı resýrs­tar mınıstrligi Sý resýrs­tary komıtetiniń tór­aǵasy Nur­lan Aldamjarovtyń kez­de­sýin­de de talqylandy. О́ńirde sý tapshy­lyǵy zardabyn azaıtýdyń joly sóz bolǵan jıynǵa aýyl sharýa­shy­lyǵy, tabıǵı resýrstar jáne tabıǵat paıdalanýdy retteý basqarmasynyń basshylary men sý sharýashylyǵy salasyndaǵy ­ınspeksııa jetekshileri qatysty.

Oblys basshysy byltyrǵy vege­tasııalyq kezeń kúrdeli jaǵ­daıda ótkenin atap ótip, osy kúni de Shardara sý qoımasyna túsip jatqan sý kólemi kóńildegideı emestigin jetkizdi.

– Eger qazirgi deńgeıden kó­beımese, vegetasııaǵa deıin Shar­da­ra sý qoımasy ǵana tolyp, Kók­saraıǵa múldem sý jınalmaı­tyn qaýpi bar. Bul jaǵdaıda oblys­taǵy kúrish egisiniń kólemin aıtar­lyqtaı qysqartýǵa májbúr bolamyz. Qazir sharýashylyqtar tu­qym, tyńaıtqysh daıyndaý, egis alqap­taryn josparlaýǵa kirisip, kóktemgi naýqanǵa ázirlikti bastap ketti. Jańaqorǵan aýdanyndaǵy 30 myń gektar egistikti sýmen qamtamasyz etý úshin sý tospasyn salý da ózekti máseleniń biri bolyp otyr.

Jalpy, sý tapshylyǵynyń aldyn alý úshin Jol kartasynda qaralǵan jobalardy iske asyrýǵa mınıstrlik kómek beredi dep úmit­tenemiz, – dedi óńir basshysy.

Az sýdy únemmen paıdalanýdyń túrli joldary qarastyrylýda. Mysaly, qashyrtqy sýdy qaıta paıdalaný úshin «Qazsýshar» RMK oblystyq fılıalyna 67 nasos qon­dyrǵysyn alýǵa qarjy bólinýi kerek. Buǵan múmkindigine qaraı oblys bıýdjetinen de qarastyrylyp jatyr. Osy jyly 20 kanaldy tazalap, eldi mekenderge 23 nasos alyp berýge aqsha bólindi.

Keńeste Sý resýrstary komı­tetiniń tóraǵasy Nurlan Aldam­jarov tapshylyqtyń basty se­bebi klımattyq faktorlarǵa baı­la­­nysty ekenin aıtyp ótti. Dı­qan­dardy egindi qolda bar sýǵa shaq­tap egip, sharýashylyq basshylaryn sýdy únemdep paıdalanýǵa shaqyrdy.

Kezdesýde oblys aýmaǵynda sý qoımalaryn salý da sóz boldy. Qara­ózek arnasynan qurylysy jos­parlanyp otyrǵan qoımanyń sy­ıymdylyǵy – 775 mln tekshe metr. Jalpy quny 1,9 mlrd teńge bo­latyn qurylystyń joba­lyq sme­talyq qujattamasy respýb­lıka­lyq bıýdjet esebinen ázir­len­gen. Memsaraptamanyń qory­tyn­dysynan keıin qurylysy bastalady.

Oblys ákimi máselelerdi túıin­deı kele, tıisti mamandarǵa sharýa­larǵa sý únemdeýdiń tıimdiligin túsin­dirý qajettigin aıtyp, naq­ty iske ýaqyt ozdyrmaı kirisýdi tapsyr­dy.

Qyzylorda oblysy