Maqsat – Oıyldyń sýyn ortaıtpaý

Bul rette, atalǵan ózenniń tabıǵı aǵysyn tirep turǵan 49-dan astam zańsyz bóget bar ekeni birneshe márte respýb­lıkalyq, oblystyq, aýdandyq gazet betterinde jazylyp, telearnalarda aıtylsa da, sý resýrstarymen aınalysatyn quzyr­ly organdar nátıje shy­ǵa­rýǵa qulyqsyzdyq ta­nyt­ty. Sondyqtan «Oıyl ózeni» qoǵamdyq qory «Sý resýrstaryn paıdalanýdy retteý jáne qorǵaý jónindegi Jaıyq-Kaspıı basseındik ınspeksııasyn» sotqa berýge májbúr boldy. Birneshe kúnge sozylǵan sot prosesiniń nátıjesinde talap qoıýshy men jaýapker tatýlasý kelisimine qol qoıyp, taraptar naqty sharttarmen kelisimge keldi.

Aıtalyq, jaýapker «Sý re­sýrstaryn paıdalanýdy retteý jáne qorǵaý jó­nindegi Jaıyq-Kaspıı bas­seındik ıns­peksııasy» RMM (basshysy Ǵ.Azıdýlın): «Qu­qyq bel­gileıtin barlyq qu­jattarǵa to­lyq revızııa júr­gizýge, beki­tilgen jobalyq qujattama belgilengen tár­tipte bolýy jáne Oıyl men onyń salalary boıynda or­nalasqan gıdrotehnıkalyq qurylystardyń zań talaptaryna sáıkestigin tekserýge Aq­tóbe oblysynyń prokýratý­rasyna jáne Qazaqstan Res­pýb­lıkasy Ekologııa, geologııa jáne tabıǵı resýrstar mı­nıs­trliginiń Sý resýrstary ko­mıtetine 20.01.2022 jylǵa deıin jáne Oıyl basseıninde salynǵan 49 gıdrotehnıkalyq qurylystaryn tizimge sáıkes (qosymsha) tranzıttik rejimge (ózenniń tabıǵı arnasynda 3 metrden kem emes) aýysty­rý jáne ór sýy kezinde sý arnasyn­daǵy kedergilerden tazartý jumystary týraly ornalasqan jerine baılanysty jergilikti atqarýshy organdarǵa 20.02.2020 jylǵa deıingi merzimde oryndalysy týraly jaýap shartymen Muǵaljar, Temir, Oıyl, Qobda aýdany ákiminiń appa­rattaryna 20.01.2022 jyl­ǵa deıin usynys hat jol­daıdy. Qazaqstan Res­pýblıkasy Ekologııa, geologııa jáne tabıǵı resýrstar mı­nıstrliginiń Sý resýrs­tary komıtetinen shaǵyn ózenderden sý paıdalanýǵa arnaıy sý paıdalaný ruq­sattaryn berý kezinde Qa­zaqstan Respýblıkasy Sý ko­deksiniń 121-babynyń 3-tar­­maǵyn qoldaný tártibi týraly 25.01.2022 jylǵa deıin jazbasha túsindirme suraıdy. Aqtóbe oblysy aýmaǵyndaǵy Oıyl ózeni men onyń salalarynda ornalasqan ıesiz gıdro­tehnıkalyq qurylystarǵa qa­tysty kúni búginge deıin 20.05.2021 jylǵy qajetti is-sha­ra­lardy oryndamaı otyr­ǵan jergilikti atqarýshy organ­dardyń áreketsizdigine shara qoldaný týraly usynys hatty 25.01.2022 jylǵa deıin Aqtóbe oblysynyń prokýra­týra organdaryna joldaıdy» degen jaýapkershilikti moınyna alsa, talap qoıý­shy «Ja­ýapkerdi talap qoıý­shynyń 2021 jylǵy 29 tamyzda jol­daǵan haty boıynsha eshbir is-shara atqarmaǵany áreket­sizdik dep taný jáne jaýapkerge zań­syz ornatylǵan bóget­terge qa­tysty áreket­sizdikten jáne Qa­zaqstan Res­pýblıkasynyń sý zańna­masyn buzýdan kelgen zııan úshin kináli tulǵalarǵa osy zııandy óteý týraly» talaptan bas tartatyn bolyp kelisildi.

– Biz osylaısha kelisimge keldik. Sottyń arnaıy uıǵa­ry­my da shyqty. Kóktemgi ór sýynyń tasýyna eki aıdaı ýa­qyt qaldy. Aqtóbe oblysyna qarasty Oıyl ózeni basseı­nindegi salalardaǵy bógetter sol myzǵymaǵan kúıi tur. Atalǵan oblystyń jer­gilikti atqarýshy organdary 49 bó­getti tranzıttik jaǵdaıǵa kel­­­­tirýge yqpal etip, eger oryn­­­­­damaǵan jaǵdaıda Qazaq­stan Respýblıkasy Ákim­shilik quqyq buzýshylyq týraly Kodekstiń 708 baby, 1,2-tarmaqtary boıynsha la­ýa­zymdy tulǵalarǵa aıyp­pul salý Jaıyq-Kaspıı bas­­­seındik ıns­peksııanyń fýnk­sıonaldyq mindetterine kiredi.

24 qańtar kúni Sý re­sýrsta­ryn paıdalanýdy retteý jáne qorǵaý jónindegi Ja­ıyq-Kas­pıı basseındik ıns­pek­sııa­synyń basshysy Ǵ.Azı­dýllınnen «Tatýlasý kelisimi» sharttaryna sáı­kes, jergilikti atqarýshy or­gandarǵa, Qazaqstan Res­pýblıkasy Ekologııa, geologııa jáne tabıǵı resýrs­tar mınıstrliginiń Sý resýrs­tary komıtetine, Aqtóbe ob­ly­synyń prokýratýrasy­na ınspeksııa tarapynan hat jol­danǵandyǵy týraly málimdeme keldi. Jaqyn kúnderi atalǵan ınspeksııaǵa ótinish túsire otyryp, bulaq basynda bóget salyp, ony paıdalanyp otyrǵan sharýa qojalyqtardyń sý zań­dy­lyqtaryna baılanys­ty máseleleri boıynsha ár bó­­getke «Oıyl ózeni» qo­ǵam­dyq qory atynan is-shara qa­byl­daıtynymyzdy qaper­le­rińizge beremiz, – deıdi «Oıyl ózeni» qoǵamdyq qory­nyń múshesi, ta­bıǵat janashyry Esenbaı Nurov.

Saıyp kelgende, Oıyl óze­­niniń aýdanǵa jetpeýine kórshi oblystyń jaýapty me­ke­meleriniń de yqpaly bar eken­digi zańdylyq turǵyda dálel­denip otyr. Bul rette, Sý re­sýrstaryn paıdalanýdy ret­teý jáne qorǵaý jónindegi Jaıyq-Kaspıı basseındik ınspeksııasynyń óz moıyndaryna alǵan mindettemelerin oryndaýǵa ákelip soǵyp otyr­ǵany anyq. Endeshe, endigi kezek quzyrly organdardyń zań­dylyq turǵysynda áreket etýge tirelip turǵany sózsiz.

Baýyrjan AMANULY,

«Qyzylqoǵa» aýdandyq gazetiniń bas redaktory

Atyraý oblysy