Energetıka mınıstri Bolat Aqsholaqov Qazaqstandaǵy atom elektr stansııasynyń qurylysy týraly aıtty, dep habarlaıdy Egemen.kz.
«AES salý - óte kúrdeli másele, sondyqtan salamyz ba, joq pa eshqandaı sheshim joq. 2035 jylǵa deıingi boljamdy teńgerimde ártúrli máseleler qaralady. Búginde «jasyl» saıasat júrgizilip jatqandyqtan, kún tártibinde shekteýler tur. Biz kómir óndirýdi keńeıte almaı otyrǵanymyzdy bilesizder, óıtkeni ol ekologııalyq taza emes», dedi Bolat Aqsholaqov OQK onlaın brıfınginde.
Sonymen qatar, mınıstr generasııaǵa arnalǵan ótpeli otyn retindegi gaz taza ekenin, biraq onyń qory shekteýli ekenin aıtty.
«Sondyqtan biz ártúrli nusqany qarastyryp jatyrmyz. Atom elektr stansııalary – qarastyrýǵa bolatyn nusqalardyń biri ǵana. Biraq bul másele óte názik, ol birinshi kezekte qoǵamdy tarta otyryp, barynsha zertteýdi qajet etedi. Ázirge Qazaqstannyń qandaı da bir ýchaskesinde stansııa salý boıynsha naqty sheshimder joq», dedi mınıstr.