Dál qazir Beıjiń qalasynda 2022 jylǵy Qysqy Olımpıada oıyndarynyń ashylý saltanaty bastaldy, dep habarlaıdy Egemen.kz.
Dúbirli dodaǵa álemniń 90-nan astam elinen sportshylar qatysady. Álemdik sporttyq dodada sportshylar sany boıynsha AQSh, Reseı men Kanada kósh bastap tur. Máselen, AQSh-tan 223 adam dúbirli dodada básekege tússe, Reseıden – 212, Kanadan – 211 sportshy jarys jolyna shyǵady.
Sondaı-aq Qytaıdan 171 sportshy qatysady, odan keıingi oryndardaǵy Shveısarııadan – 168, Germanııadan – 148, Japonııadan – 122, Shvesııadan – 116, Chehııadan – 114, Italııadan – 112, Avstrııadan – 108, Fınlıandııadan – 96, Fransııadan –85, Norvegııadan – 52, Ulybrıtanııadan – 50, Ýkraınadan – 45, Avstralııadan – 44, Ońtústik Koreıadan – 38, Qazaqstannan – 34, Belarýsten – 28 sańlaq el namysyn qorǵaıdy.
Aq Olımpıadada elimizdiń atynan 34 sportshy 85 joldama boıynsha synǵa túsedi.
Mamandardyń aıtýynsha, qazaqstandyq sportshylar frıstaıl-mogýl, frıstaıl-akrobatıka, short-trekte júlde qoryn tolyqtyrýy múmkin.
Aq Olımpıadanyń ashylý saltanaty «Qazaqstan», «Qazsport» jáne «Habar» arnalarynan kórsetilýde.