Aqparat jáne qoǵamdyq damý mınıstrligi elimizdiń kórnekti jazýshysy, KSRO Memlekettik syılyǵynyń ıegeri – Ábdijámil Kárimuly Nurpeıisovtyń qaıtys bolýyna baılanysty marqumnyń otbasy men jaqyndarynyń qaıǵylaryna ortaqtasyp kóńil aıtty, dep habarlaıdy Egemen.kz.
«Búkil sanaly ǵumyryn ult rýhanııaty jolyna arnaǵan Ábdijámil Nurpeıisov daryndy qabiletimen, qarymdy qalamgerlik qyrymen qazaq ádebıetine mol rýhanı mura qosyp, artyna mazmuny tozbas máńgi kórkem shyǵarmashylyq dúnıeler qaldyrdy.
Aǵamyzdyń azamattyq bolmysy, jarqyn beınesi, el táýelsizdigi jolynda atqarǵan eseli eńbegi qatary kóp qalyń oqyrmandarynyń esinde máńgilik saqtalatyn bolady.
Marqumnyń jatqan jeri jaryq, topyraǵy torqa bolyp, nury peıishte shalqysyn», delingen mınıstrlik habarlamasynda.
Búgin 16:35-te «Qazaqstan» jáne 14.30, 19.30-da «Abai tv» telearnalarynan jazýshynyń kózi tirisinde túsirilgen «Tulǵa» habary kórsetiledi.