Túrkistan oblysyndaǵy Shaıan aýylynda zamanaýı kitaphana salynyp jatyr. Onda júz myńnan astam kitap, jýrnal men basqa da baspa materıaldary saqtalady, dep habarlaıdy Egemen.kz «Habar 24»-ke silteme jasap.
Buryn aýyldyq kitaphana jergilikti mádenıet úıinde ornalasatyn. Onda kitaptardyń baı qoryn tar bólmege ornalastyrý múmkin emes edi. Endi aýylda kitaptar úshin bólek ǵımarat turǵyzylyp jatyr, ony jazda tapsyrý josparlanǵan.
Jańa kitaphananyń qurylysyna respýblıkalyq bıýdjetten 330 mıllıon teńge bólindi.
«Qazir kóptegen kitaptar mádenıet úıiniń jertólesinde jatyr. Olardy qoıýǵa esh jer joq. Barlyǵyn shyǵarýǵa múmkindik joq. Sondyqtan qazir kitaphana úshin 100 myń kitapqa arnalǵan jańa ǵımarattyń qurylysy júrip jatyr. Tamyz aıynda ol oqyrmandarǵa esigin aıqara ashady», dedi Báıdibek aýdandyq qurylys, sáýlet jáne qala qurylysy bóliminiń sektor meńgerýshisi Jandarbek Sultanbekov.