Ýfa qalasynda «Salavat Iýlaev» komandasy Qurlyqtyq hokkeı lıgasynyń sońǵy kezdesýinde «Torpedo» (Nıjegorod) klýbyn 2:1 esebimen utyp, Gagarın kýbogynyń shırek fınalynda Astananyń «Barys» hokkeıshileriniń qarsylasy bolyp anyqtaldy. Al «Salavat Iýlaev» pen «Torpedo» komandalarynyń arasyndaǵy jalpy esep 4:3 bolyp tirkeldi. Bul týraly «Barys» HK habarlady.
Endi «Barys» pen Bashqurtstan klýbynyń arasyndaǵy alǵashqy oıyndar Astanada 21-22 naýryz kúnderi ótedi. Bul komandalar Qurlyqtyq hokkeı lıgasy aıasynda 18 ret kezdesti. Ol boıynsha jeti oıynda «Barys», al oıynnyń 11-shi kezeginde «Salavat Iýlaev» jeńiske jetti. Sondaı-aq, olar bıylǵy maýsymda eki oıyn ótkizgen bolatyn. Astanada «Barys» qarsylasyn 3:2 esebimen utty. Ýfada «Salavat Iýlaev» bizdiń hokkeıshilerden 6:3 esebimen basym tústi.
Dastan Kenjalın.
Derekkóz: www.hc.barys.kz.
Foto: www.hc.barys.kz