Keshe Mysyr joǵary oqý oryndarynyń stýdentteri polısııamen qaqtyǵysty, dep habarlaıdy ITAR-TASS agenttigi.
Qaqtyǵys saldarynan eki stýdent qaza bolǵan.Mysyr densaýlyq saqtaý mınıstrliginiń málimeti boıynsha, eldiń bes provınsııasynda órbigen tártipsizdikterden 30-dan astam adam zardap shekken.
Joıqyn qaqtyǵystar Kaırdegi Ál-Asqar ýnıversıtetiniń stýdenttik qalashyǵynda oryn aldy. Polısııa mundaǵy júzdegen tártip buzýshylardy taratý úshin kóz jasaýratatyn gazy bar granatalar qoldanǵan. Sondaı-aq Aleksandrııa, Gıza, Benı-Sýeıf pen El-Mınıa qalalaryndaǵy stýdentter úılerinde de jappaı tártipsizdikter oryn aldy. Polısııa qyzmetkerleri demonstarsııalarǵa qatysqan ondaǵan ereýilshini ustady.
Seısenbi kúni Mýhammed Mýrsıdiń bılikke oralýyn kózdeıtin «Zańdylyqty qoldaý alıansy» jańa «revolıýsııalyq tolqynnyń» bastalatynyn málimdegen bolatyn. Burynǵy prezıdenttiń jaqtaýshylary men «Musylman baýyrlardyń» jetekshileri joǵary oqý oryndarynyń stýdentterine aldaǵy 11 kúnge mıtıngter ótkizýge nusqaý bergen kórinedi.
Aıdar О́risbaev.
Derekkóz: Itar-tass.com.
Foto: AP Photo.